Facebook
Aktualny numer

Najlepszy tygodnik i portal społeczno-kulturalny w Rudzie Śląskiej

Pochwalmy się tym, co nasze!

19-12-2018, 10:07 admin

Rozpoczynamy cykl publikacji poezji i prozy po śląsku. Na początek fragment twórczości Bronisława Wątroby. Pochwalmy się naszym regionalizmem i lokalnymi twórcami! Wszystkich autorów, którzy piszą w godce lub o Śląsku, zapraszamy do współpracy. Zachęcamy do kontaktu poprzez skrzynkę e-mail: redakcja@wiadomoscirudzkie.pl.

Brif do Dzieciōntka – XII.2018

Dzieciōnteczko, wiysz, dlo siebie
Chca ô zdrowie prosić Ciebie
I ô szczyńście familiji
Dyć niy robia z tym mecyji

Chca Cie prosić tyż, kej idzie
Ô to co ze godkōm bydzie
Chca Cie prosić byś wspierało
Tym Ślōnzokōw radowało

Wiysz Dzieciōntko, sōm rymuja
Bibljo już parafrazuja
Mono życio mi wystyknie
Coby skōńczyć, dlō mie piyknie

Dyć czy inksi przeczytajōm?
Czy godka we zocy majōm?
Gowy za to niy położa
Yno tyn brif szkryfnōńć woża.

Dzieciōnteczko, prosza Ciebie
Tu, na ziymi, choć żeś w niebie
Prosza coby Kościōł wspiyroł
Ślōnsko godka, Bōg zaziyroł

Bōg zaziyroł na dziedzina
Naszo, ślōnsko, z wsparciym Syna
Coby wiara po naszymu
Słychać było u wrōt Rzymu

Medykuja, kōncept łazi
Mi po gowie, niych niy razi
Niych Ślōnzokōw pokupluje
Niych Cie richtig uraduje

Ślōnski Konkurs Recytacji
Strof Biblijnych – zdo, w tym racji
Niy trza szukać – kejby stało
Godka z wiarōm kuplowało

By uczyli sie szkolorze
Wiary, godki – Szczyńść im Boże
Twōrcy strofy zaś tworzyli
Co ze duszy swoji wziyli

Z czasym Bibljo by my mieli
We djalektach ślōnski szteli
Skarbym wiary, skarbym godki
Tōż brif śla Ci niy przipodkym

Dzieciōnteczko, czy pōmożesz?
Wiym, Ty wszysko przeca możesz
Tōż Cie prosza ô to prawie
Wspiyrej ślōnskość we ty sprawie.


Komentarze


21-12-2018, 08:02
BasiaPL napisał(a):

Brawa dla redakcji za fajny pomysł.

19-12-2018, 22:38
BasiaPL napisał(a):

Piykny!